Presidenti Rus Putin: Ka kaluar koha kur Rusia dhe Amerika vendosnin për çdo gjë

Presidenti rus, Vladimir Putin ka deklaruar se ka kaluar koha kur Shtetet e Bashkuara dhe Rusia vendosnin për gjithçka. Ai shprehu gatishmërinë për të diskutuar problemet globale me vendet e tjera, nëse paraqitet nevoja, shkruan Reuters.

Putini vuri në dukje se Kina dhe Gjermania po lëvizin drejt statusit të superfuqive për sa i përket ndikimit të tyre politik dhe ekonomik. Në lidhje me zgjedhjet presidenciale në SHBA, që pritet të mbahen me 3 nëntor, Putini tha se shpreson që adiministrata e re të jetë e gatshme për dialog mbi sigurinë dhe kontrollin e armëve.