“Jetojmë në një vend qensh”, Arjan Çani del me parashikimin e frikshëm për zgjedhjet e 25 prillit

Gazetari Arian Çani i ftuar mbrëmjen e djeshme në emisionin ‘Të paekspozuarit’, bëri një deklaratë të fortë. Çani paralajmëroi se në zgjedhjet e 25 prillit do të vidhen dhe se do të hidhet kesh i niveleve të pa imagjinueshme.

“Unë kam një mendim ndryshe që pavarësisht se si mundohet ta bëjë fushatën Rama, mendoj se gjithçka që bën e ka alibi për 25 prillin. Nuk do jetë fare fushata përcaktuese e fituesit. Zgjedhjet do fitohen në mënyra të tjera jo ditën e zgjedhjeve, shumë më përpara.

E gjithë kjo duhet krijuar si alibi. Ai nuk është i sigurt me sondazhet dhe i intereson të krijojë një alibi sikur nuk është i qetë, të krijojë një “luftë reale”. Në një vend ku nuk ka asnjë sens komun të gjërave, siç ndodh në Kosovë ku nuk flitet për manipulim zgjedhjesh, këtu jetojmë në një vend qensh. Administratorët e këtij vendi janë një qenëri e paparë.

Zgjedhjet vidhen me shumë para, me shumë para dhe unë jam i bindur për këtë. Sepse kesh i niveleve të pa imagjinueshme do hidhen në këto zgjidhje. Sepse bëhet fjalë për mandatin e tretë dhe të katërt. Jam i bindur që zgjidhjet do të vidhen sepse nuk shoh asnjë indicje që shqiptarët duhet të jenë të mirë me zgjidhjet dhe duhet t’i bëjnë të lira”, – tha Çani.