Pas fitores së parë e cila ishte ajo e miratimit nga Kuvendi për hapjen e listave, Rudina Hajdari po shijon disa ditë pushimi. Deputetja përmes një postimi në Facebook ka treguar historinë prekëse të një zonje që ka takuar sot në plazhin e Durrësit.
Postimi i plotë:
“Teksa po shëtisnin sot në plazhin e Durrësit me Sihanën, një zonjë na ndalon dhe kërkon ti falë një balonë Sihanës.
Hate Simoni është një grua e fortë.
Prej 20 vitesh del me karrocën e saj mbushur me lodra dhe mundohet të ushqejë familjen me ndershmëri.
Sakrificat e saj iu shpërblyen ditën që vajza e saj mbaroi masterin me nota të shkëlqyera.
Por shqetësimi i Hates ishte se vendet e punës nuk i merr merita e djersa e ballit por tesera e partisë apo nepotizmi.
Kjo i shtyn shumë të rinj të largohen nga Shqipëria edhe pse nuk e duan këtë.
I premtova Hates se do bëj çmos ta ndalim këtë sjellje.
Duhet t’ia kthejmë shtetin qytetarëve të ndershëm e punëtorë si Hate, e t’ua heqim nga duart militantëve e kryetarëve që pasuritë publike e taksat i trajtojnë si plaçkë lufte.
Hate sot i dhuroi një balonë Sihanës të cilën do e ruajmë si kujtim për premtimin që i dhashë.
Nuk ka motivim më të fortë për mua se sa mbështetja e njerëzve të thjeshtë.
Faleminderit Hat!” – shkruan Hajdari.
FOTO:
