E rëndë, dy punëtorë bien nga skela teksa po punonin

Një ngjarje e rëndë ka ndodhur pak më parë në Tiranë, ku dy punëtorë kanë rënë nga lartësia, teksa ishin duke punuar në një shtëpi private.

Bëhet fjalë për 47-vjeçarin, Y.C., dhe 59-vjeçarin S.M., të cilët kanë mbetur të plagosur.

Ata janë dërguar me urgjencë drejt spitalit, ku ndodhen nën kujdesin e mjekëve.

Sipas asaj që raporton Fax News, dy punëtorët e plagosur ndodhen në sallën e operacionit dhe gjendja e tyre nuk është e mirë.

Grupi hetimor dhe shërbimet e policisë kanë shkuar në vendngjarje dhe kanë nisur hetimet për zbardhjen e plotë të rrethanave të ngjarjes.