Presidenti serb Aleksandar Vuçiq tha mbrëmë se të gjithë në rajon po armatosën me shpejtësi të jashtëzakonshme dhe vlerësoi se “diçka e çuditshme po ndodh”.
“Sot mora një raport për të gjithë rajonin dhe u trondita sepse nuk e rishikova atë raport për dy muaj e gjysmë. Kemi një hendek të madh në automjetet e blinduara drejt Kroacisë. Kemi probleme të mëdha me stërvitjen dhe armatimin shtesë të Ushtrisë së Kosovës”, tha Vuçiq për Radio Televizionin Serbi.
Lidhur me pretendimet e mediave se tanket gjermane po vinin në Kosovë, Vuçiq tha se ai kishte kërkuar “të gjitha informacionet” nga agjencitë e inteligjencës.
“Shpresoj që partnerët tanë gjermanë nuk do ta bëjnë këtë”, tha presidenti serb.
Ai gjithashtu tha se fakti që Shtetet e Bashkuara në një moment thanë se ekziston mundësia e largimit nga baza Bondsteel në Kosovë, kishte bërë që anëtarët e tjerë të NATO-s të donin të investonin në mbështetjen e ushtrisë së Kosovës.
