“Kurrë mos hyftë Shqipëria në BE nëse ky është kushti”, historiania e njohur shqiptare i lë të gjithë pa fjalë me deklaratën e saj të fortë

Historiania e njohur Elena Kocaqi shprehet prerë se nëse Shqipërisë do t’i duhet të paguajë një ‘haraç’ për të hyrë në BE, më mirë kjo të mos ndodhë kurrë. Sipas saj, kushti është humbje e shkëmbim territoresh.

Postimi i plotë:

“Nëse ka një kusht për humbje territoresh për të hyrën në BE, Shqipëria kurrë mos hyftë në BE. Sa ka humbur territor Shqipëria dhe shqiptarët në Ballkan nuk ka humbur asnjë vend në botë, kështu që në këtë aspekt ne nuk duhet të lozim me çështjet e territorit.

Shqipëria ka probleme të tjera, të cilat nëse ne do të kishim ngritur ekonominë dhe do të kishim pasur një dinjitet kombëtar dhe do të kishim një klasë politike jo të korruptuar, (sepse ne, Kosova dhe një pjesë e shqiptarëve të Maqedonisë kemi klasën më të korruptuar në botë), ne sot nuk do të kishim nevojë fare të hynim në BE.

Sepse nga ana ekonomike ti me gjithë Kosovën ke dhjetëfishin e burimeve që ka Gjermania për frymë, që do të thotë se ti nuk shtet, se nuk ke pasuri por ti nuk ke një administrator politik që këtë pasuri ta menaxhojë për të mirën e popullit tënd.

Por ke një administrator politik që këtë pasuri e ka çuar me koncesion në drejtim të paditur.”, – u shpreh Kocaqi për emisionin ‘360 gradë’.

Reply