### Çmimet e reja të karburanteve në Maqedoninë e Veriut: Ulet nafta me 4.50 denarë
Komisioni Rregullator për Energjetikë, Shërbime të Ujit dhe Shërbime të Menaxhimit të Mbeturinave Komunale në Republikën e Maqedonisë së Veriut (KRRE) ka miratuar vendimin e ri për çmimet me pakicë të derivateve të naftës.
Sipas vendimit, çmimet e karburanteve ulen mesatarisht me **1.06%** krahasuar me vendimin e datës 21 shtator 2026.
Ndryshimi më i madh është regjistruar te nafta, çmimi i së cilës ulet me **4.50 denarë për litër**. Në të njëjtën kohë, benzina shtrenjtohet me nga 1 denar për litër.
Nga **29 shtatori 2026, në orën 00:01**, çmimet maksimale do të jenë:
* **EUROSUPER BS-95:** 100 denarë/litër
* **EUROSUPER BS-98:** 102 denarë/litër
* **EURODIESEL BS (D-E V):** 100 denarë/litër
* **Vaj ekstra i lehtë EL-1:** 111.50 denarë/litër
* **Mazut M-1 NS:** 49.882 denarë/kg
Sipas KRRE-së, benzina **EUROSUPER BS-95** dhe **EUROSUPER BS-98** do të shtrenjtohet me 1 denar për litër, ndërsa **EURODIESEL** do të lirohet me 4.50 denarë për litër.
Çmimi i vajit ekstra të lehtë për amvisëri (**EL-1**) ulet me 3 denarë për litër, ndërsa çmimi i mazutit ulet me 0.196 denarë për kilogram.
Në vendimin e ri është aplikuar edhe vendimi i Qeverisë për uljen e TVSH-së për EURODIESEL-in në 10%, si dhe akciza e reduktuar prej 4 denarësh për litër për benzinën EUROSUPER BS-95, EUROSUPER BS-98 dhe EURODIESEL.
KRRE thekson se bëhet fjalë për **çmimet maksimale** që hyjnë në fuqi nga ora 00:01 e datës 29 shtator. Tregtarët me shumicë dhe pakicë mund t’i shesin derivatet dhe karburantet për transport edhe me çmime më të ulëta se ato të përcaktuara nga rregullatori.
Ndryshimet e çmimeve janë përcaktuar duke marrë parasysh lëvizjet e çmimeve referente të derivateve në tregjet botërore dhe kursin e denarit ndaj dollarit.
