**Nga 1 dhjetori ndryshojnë rregullat për kreditë, ja çfarë duhet të dinë qytetarët**
Nga 1 dhjetori 2026 do të hyjnë në fuqi rregulla të reja për kreditimin e qytetarëve në Maqedoninë e Veriut. Ndryshimet janë miratuar nga Bordi Ekzekutiv i Bankës Popullore dhe kanë të bëjnë me masat makroprudenciale për cilësinë e kërkesës për kredi nga personat fizikë.
Një nga ndryshimet kryesore lidhet me kreditë për blerjen e **banesës së dytë ose të një banese tjetër**. Afati maksimal për shlyerjen e kredisë për banim për këto raste do të ulet nga **30 në 25 vjet**.
Për qytetarët që blejnë për herë të parë banesën e tyre, afati maksimal mbetet **30 vjet**.
Ndryshim do të ketë edhe për kreditë konsumatore të siguruara me hipotekë. Afati maksimal i shlyerjes do të reduktohet nga **20 në 15 vjet**.
### Ndryshon edhe kufiri i këstit në raport me të ardhurat
Rregullat e reja prekin gjithashtu treguesin **DSTI**, i cili përcakton pjesën maksimale të të ardhurave mujore që mund të përdoret për pagesën e kësteve të kredive.
Për kreditë në denarë, kufiri maksimal do të ulet nga **50% në 45%** të të ardhurave, ndërsa për kreditë me komponent valutore do të ulet nga **45% në 40%**.
Kjo do të thotë se, sipas rregullave të reja, këstet mujore të kredive do të mund të zënë një pjesë më të vogël të të ardhurave të huamarrësve.
Megjithatë, për qytetarët që blejnë **për herë të parë banesën e tyre**, kufijtë mbeten të pandryshuar: **50% për kreditë në denarë dhe 45% për kreditë me komponent valutore**.
### Banka Popullore: Masat kanë karakter parandalues
Sipas Bankës Popullore, masat janë të natyrës parandaluese dhe synojnë kufizimin e rrezikut nga **mbingarkesa me borxhe e familjeve**, si dhe mb
